WordPress нь дэлхийн хамгийн өргөн хэрэглэгддэг веб сайт бүтээх CMS/Content Management System/ буюу агуулгыг удирдах систем юм. Энэхүү системийг ашиглаж жижиг хэмжээний блог, байгууллагын танилцуулга веб сайтаас эхлүүлэн TIME Magazine, Sony Music, Microsoft News зэрэг дэлхийн томоохон компаниуд хүртэл өөрсдийн веб сайтыг уг CMS-г ашиглан бүтээж байна. Учир нь WordPress нь дэлхийн өнцөг булан бүрд байгаа өндөр түвшний мэргэжлийн веб дизайнер, веб хөгжүүлэгч нарийн бүтээсэн content–уудаас өөрийн сайт, системд тохирохыг хүссэнээрээ сонгож өөрийн веб сайтаа хялбараар бүтээх боломжийг олгодог. 2023 оны байдлаар дэлхий нийтээр ажиллаж буй нийт веб сайтын 43.5% нь WordPress дээр ажиллаж байна.