Шинжлэх ухаан технологийн хурдацтай хөгжил нь хүүхэд багачуудын мэдээлэл олж авах, сурах арга барилд ихээхэн нөлөөлж, багш нар уламжлалт заах арга барилаас татгалзаж, хүүхдийн хамгийн их сонирхож цагаа өнгөрүүлж буй тоглоом, технологиор нь дамжуулан мэдлэг боловсрол олгохыг эрмэлзэж байна.
Дэвшилтэт технологийн боломжуудаар баяжуулагдсан сургалтын хэрэглэгдэхүүнүүд нь хүүхдүүдийн сонирхлыг
хамгийн их татаж байгаа бөгөөд АR (Augmented Reality) буюу технологийг өдгөө дэлхийн олон улс орон боловсролын салбартаа өргөн ашиглаж байгаа билээ. Энэхүү технологийн тусламжтай орон зай, цаг хугацааны хувьд дүрслэн харуулах боломжгүй, нүдэнд харагддаггүй хийсвэр зүйлсийн хөдөлгөөн, урт хугацаанд явагддаг хувирал өөрчлөлт зэрэг бүхий л мэдээллийг 3 хэмжээст хөдөлгөөнт дүрслэл, аудио, видео контенттой
хослуулан хүүхэд багачуудад сургалтын агуулгыг маш сонирхолтой аргаар, хялбар ойлгуулах ихээхэн ач холбогдолтой юм.
Иймээс сургалтын материалыг технологийн тусламжтайгаар сайжруулж, хялбарчлах замаар хичээлийн чанарыг сайжруулах, сурагчидад танин мэдэхүйн тэгш боломжоор хангах замаар хичээлийн чанарыг дэмжих зорилгоор бид энэхүү цахим сургалтын хэрэглэгдэхүүнийг бүтээсэн бөгөөд 2018 оны Монгол улсын Инновацийн шилдэг бүтээгдэхүүний шагналыг авсан.
AR технологийн дэвшлийг ашигласнаар байгалийн ухааны сургалтын хэрэглэгдэхүүний дутагдлыг хямд үнээр, богино хугацаанд, чанартайгаар шийдвэрлэхийн зэрэгцээ хүүхдийн төрөлхийн хүсэл эрмэлзэлд тулгуурлан аливаа мэдлэгийг бие даан суралцах, туршилт судалгааг биечлэн гүйцэтгэхэд нь дэмжлэг үзүүлэх, инженерийн сэтгэлгээг хөгжүүлэх боломжийг олгож байгаагаараа энэхүү хэрэглэгдэхүүүн давуу талтай юм. Үзэх, сонсох, унших, турших замаар хамгийн богино хугацаанд танин мэдэхүйн бүх чадвараа ашиглах буюу суралцаж, 100% ойлогох боломжийг олгодог тул сургалтын чанарыг 4 дахин нэмэгдүүлнэ.
Байршил харгалзахгүй ухаалаг утас, таблет гэх мэт хүн бүрийн хэрэглэдэг бүтээгдэхүүн дээр ажиллах боломжтой.
Сургалтын хэрэглэгдэхүүн, шинжлэх ухааны лабораторийн хомсдолыг богино хугацаанд, хямд төсөр аргаар шийдвэрлэнэ. Интернетгүй орчинд ч ажиллана. Багш нарын хөдлөмөрийн нөхцлийг хөнгөлж, хичээлийнхээ агууллагыг сурагчидад бүрэн ойлгуулахад туслана. Түүнчлэн виртуал лабраторид аюултай болон олдоц муутай цаг хугацаа их шаарддаг туршилтуудыг хийж үзэх боломжтой.