Манай байгууллага нь 2020 оноос хойш АНУ-ын Bitrix Inc компаний Монгол дахь албан ёсны төлөөлөгчөөр ажиллаж байгаа бөгөөд хамгийн дээд түвшний “Алтан Партнер” бөгөөд 3 дахь жилдээ амжилттай хамгаалан ажиллаж байна.

Тус компаний Bitrix24 программ нь дэлхийн 152 гаруй оронд 12 сая байгууллага ашигладаг байгууллагуудад шаардлагатай системүүдийг нэг дор нэгтгэсэн шийдэл бөгөөд үнийн хувьд маш хямд байдгаараа үнэ цэн өгдөг бүтээгдэхүүн юм.

Бидний хувьд тус программын албан ёсны партнер болсон түүх их сонирхолтой байдаг. Манай байгууллага нь 2019 оноос Дуудлагын төвийн аутсорсинг үйлчилгээг байгууллагын зах зээлд нэвтрүүлж, энэхүү үйлчилгээнийхээ суурь болсон Call center-н программ, CRM программуудыг хэд хэдийг ашиглаж үзсэн ч Bitrix24 программыг гүйцэхээргүй байсан тул тус программыг үйл ажиллагаандаа ашиглаж эхэлсэн. Бид Bitrix24 программп сэтгэл ханамж өндөртэй байсан туд Дуудлагын төвөө сайжруулах зорилготой хүмүүст сурсан мэдсэнээ хуваалцаж, зөвлөж явсаар энэхүү системийн хамгийн том партнерыг эрхийн болзолыг хангасан байдаг.

Өнөөдрийн байдлаар бид тус программ хангамжийг бизнесийн болон төрийн 50 гаруй байгууллагуудад нэвтрүүлээд байна. Манай багийн онцлог нь бид программ хангамж нэвтрүүлэлтийг гүйцэтгэхдээ процессын оновчлол, тухайн байгууллагын үйл ажиллагааны орц, гарцаас хамааран хөгжүүлдэг бөгөөд тус нэвтрүүлэлтийн ажлыг Хэрэглэгч төвтэй тогтолцоо үүсгэх талаас нь харж ажилладаг зөвлөхүүдтэй.